Motrum electricum

Motrum^[3][4] electricum^[5] est machina electrica quae energiam electricam in energiam mechanicam commutat. Plurima motra electrica operantur per interactionem motri campi magnetici et fluxus oneris electrici in spira electromagnetica ad vim generandam cui est axis rotans. Motra electrica fontibus fluxus oneris recti operari possunt, sicut nucleorum electricorum, vehiculorum motoricorum, vel rectificatorum, aut fontibus fluxus oneris alternantis, sicut systematis virium, invertrorum,^? vel generatorum electricorum. Generator electricus idem ac motor electricus mechanice est, sed modo contrario operatur, energiam mechanicam in energiam electricam convertens.

Motra electrica vim linearem aut rotariam (torque) generant, ut quaedam mechinatio externa propellatur, sicut flabellum et cellula scansoria. Motrum electricum rotationi continuae plerumque designatur, vel motioni lineari per spatium sua magnitudine multo maius. Solenoida^? magnetica magnam vim mechanicam generant, sed per spatium suae magnitudinis. Transductra^? sicut megaphona et microphona inter fluxum oneris electrici et vim mechanicam convertunt ad signa sicut sermo regeneranda. Motra electrica communibus motris combustionis internae leviora, minora, mechanice simpliciora, fabricatuque viliora sunt, atque maiorem energiam praebent, cum torque instans et immutabile ulla celeritate suppeditent, melioribus responsis, maiore efficientia generali, et minore caloris generato. Motra autem electrica in usu mobili (plerumque in automobilibus et laophoriis) motris combustionis internae minus commoda et quotidiana sunt, quia magnum pretiosumque accumulatrum requirunt, sed motra combustionis internae comparative parvum petrolei lacum requirunt.

• Condensatrum
• Electricitas
• Generator electricus
• Gulielmus Sturgeon
• Nicolaus Tesla
• Alexander Volta
• Ernestus Werner von Siemens